«Matthew» è stà il pli ferm stemprà atlantic dapi set onns. A Haiti èn mortas passa 1000 persunas, 1,4 milliuns persunas dovran urgentamain agid. En il stadi american da North Carolina èn anc adina inundads grond territoris.
Sur la Caribica è entant gia sa furmà il proxim stemprà che sa mova en direcziun Bermudas. I vegn fatg quint cun spertadads da vent da passa 200 kilometers l'ura. Scolas e stizuns èn serradas e sgols èn vegnids stritgads.
RR novitads 12:00