Sche las duas varts vegnan da sa cunvegnir pli baud sin in contract da sortida, pudess la Gronda Britannia era sortir pli baud. Lura pudess ins annullar la participaziun da la Gronda Britannia a las elecziuns europeicas.
Ils schefs da stadi e da regenza dals 27 pajais da l'UE che restan, ston approvar questa prolungaziun unanimamain. Tar il proxim inscunter extraordinari da l'UE, proxima mesemna, duai vegnir decidì co enavant.
En sasez avess la Gronda Britannia gì da sortir gia ils 29 da mars da l'Uniun europeica. Fin ussa ha il parlament britannic dentant adina renvià il contract dal Brexit e senza contract na vulan els betg sortir.
RR novitads 14:00
