Siglir tar il cuntegn

Header

Navigaziun

cuntegn

Exteriur May gudogna votum da disfidanza

La primministra britannica Theresa May ha gudagnà il votum da disfidanza per ses uffizi sco scheffa da la partida da la regenza conservativa. Dals 317 deputads en il parlament han 200 vuschà per ella, 177 encunter. Uschia ha communitgà la partida Tory suenter la votaziun.

Theresa May.
Legenda: Theresa May ha superà il votum da disfidanza cun 200 vuschs. Keystone

Necessari èn stadas 159 vuschs. Cunquai resta May scheffa da partida e primministra.In nov votum da disfidanza po ussa betg pli vegnir tschentà aifer in onn.

La raschun per il votum da disfidanza è la dispita davart la cunvegna dal Brexit ch'ils represchentants da la Gronda Britannia han negozià cun l'UE a Brüssel.
May ha mess sin glatsch la votaziun davart il deal dal Brexit en il parlament perquai ch'ella sto temair ch'i detti ina terrada. Quai ha fatg ch'il butschin è ì surora.

Tranter ils Tories bugli dapi il referendum dal Brexit dal zercladur 2016 quai per il dretg curs per sortir da l'Uniun europeica la fin da mars. Surtut ils sceptichers da l'Europa rinfatscha a May da ceder memia spert tar las tractativas cun l'UE.

RR novitads 23:00