Dispitaivel è dentant, schebain il president dal parlament John Becrow è insumma d'accord. Quel ha numnadamain smanatschà danovamain da betg lubir la votaziun. Raschun è ina regla da 415 onns che di ch'il medem project na dastgia betg vegnir en votaziun infinit.
La proposta elavurada da Theresa May è gia vegnida refusada duas giadas dal parlament britannic. Becrow ha perquai fatg cler che la cunvegna stoppia sa differenziar a moda substanziala da las duas propostas precedentas per ch'i possia anc ina giada vegnir votà.
May ha fatg a mogna da demissiunar bainbaud, sche la cunvegna vegn approvada dal parlament. Blers adversaris en sia partida conservativa han sinaquai cedì lur resistenza.
RR novitads 14:00
