Siglir tar il cuntegn

Header

cuntegn

Exteriur Mazzà 73 civilists en il Sudan dal Sid

A Juba, la chapitala dal Sudan dal Sid, han schuldads da las truppas da la regenza mazzà il davos mais almain 73 civilists. Tenor l'ONU haja plinavant dà violaziuns da massa da dunnas e giuvnas e sblundregiadas.

Las pli bleras unfrendas sajan commembers da la gruppaziun etnica Nuer. A quella appartegnan blers adversaris dal president dal Sudan dal Sid, Salva Kiir, tranter auter era il schef dals rebels Riek Machar. L'ONU ha appellà a Kiir da chastiar ils delinquents.

ONU n’ha betg pudì gidar la Siria sco giavischà

L’ONU ha ils davos dus mais mo pudì prestar ina pitschna part da l’agid umanitar prevesì per la Siria. Quai ha ditg l’expert da l’ONU per agid d’urgenza, Jan Egeland, a las medias a Genevra. Ins haja sperà da gidar 1,2 milliuns persunas. Ins n’haja però betg cuntanschì la mesadad. Plinavant ha Egeland tematisà la situaziun da la citad occupada Aleppo. Là èn 250’000 persunas circumdadas. Ins saja pront da trametter agid en la citad uschespert ch’ils cumbats vegnian interruts.

RR novitads 16:00

Artitgels legids il pli savens