Exteriur - Mazzà impurtant cumbattant dad Al-Nusra
Tar in'attatga or da l'aria en la provinza siriana Aleppo è mort in aut commember da l'organisaziun terroristica Al-Nusra. I sa tractia da Sanafi al-Nasr che stat sin la glista da terror dals Stadis Unids da l'America.
Quai communitgescha il post d'observaziun sirian per dretgs umans. Tar l'attatga sajan era morts dus ulteriurs commembers d'Al-Nusra.
Ils Stadis Unids n'èn betg s'exprimids davart ils rapports. Era betg cler è sch'igl è stà in'attatga da l'aviatica militara russa u da la coaliziun militara che vegn manada da l'America.
