Siglir tar il cuntegn

Exteriur Mazzament per negligientscha?

En connex cun l'aviun da la Germanwings ch'è crudà la fin da mars en Frantscha eruescha la giustia franzosa uss er pervi da mazzament per negligientscha. Tenor la procura publica era il co-pilot inabels da sgular.

Gidanters al lieu nua ch'in aviun è crudà
Legenda: Cura che l'aviun da la Germanwings è crudà èn 150 persunas mortas. Keystone

Tranter auter duai vegnir sclerì, schebain i haja dà mancanzas davart da la Germanwings u da la Lufthansa.

Il co-pilot na saja betg pli stà en il stan da sgular in aviun, ha ditg il procuratur public. Il mars eri el scrit malsaun per 10 dis ed haja consultà ils davos 5 onns passa 40 medis.

Inquisiziuns d'enfin ussa han mussà ch'il Co-pilot ha fatg crudar l'aviun cun intenziun. Tuttas 150 persunas a bord èn mortas.

RR novitads 22.00