«Médecins sans Frontières» interrumpa missiun per fugitivs
- Sonda, 12.8.2017, 18:27
L'organisaziun d'agid «Médecins sans Frontières» interrumpa sia missiun da salvar fugitivs en la Mar Mediterrana. L'organisaziun umanitara sa senta messa en privel da la marina libica.
Bild in Lightbox öffnen.
Legenda da maletgs: L'organisaziun umanitara da medis «Médecins sans Frontière» na sa senta betg segira sin la Mar Mediterrana. Keystone
«Médecins sans Frontières» na sa sentia betg segir tar sia missiun da salvar fugitivs en la Mar Mediterrana, rapporta l'agentura da novitads Reuters sa referind sin il schef Talian da l'organisaziun, Loris De Filippi. Era la politica da la regenza taliana engrevgeschia la lavur, uschia che l'organisaziun na possia betg periclitar ses collavuraturs.
La marina libica aveva annunzià da scumandar ad organisaziuns d'agid estras da s'avischinar a la costa libica.
RR novitads 18:00