En l’Europa datti adina dapli plants abusivs uschenumnads «slapps». Era organisaziuns svizras èn pertutgadas. L’onn passà ha la coaliziun cunter uschè plants registrà bundant 160 novs plants en l’Europa. Quai èn 26 dapli che l’onn avant. Cun plants davant abusivas emprovan interpresas, persunas privatas u autoritads d’impedir retschertgas criticas e dischagreabels.
L’ultim temp vegnan collavuraturas e collavuraturs da medias e organisaziuns nun-guvernamentalas confruntadas pli savens cun plants per part massivs che vulan far tema. Organisaziuns da medias svizras ed ovras d’agid pretendan ussa che la politica fetschia insatge cunter quai.