Medis senza cunfins sa fan quitads

L'organisaziun umanitara «Medis senza cunfins» è preoccupada dals rapports da violenza vers fugitivs sin la mar greca. Fugitivs avevan rapportà ch’umens mascrads ed armads hajan attatgà els sin la mar. Ins haja udì blers da quels rapports dapi il fanadur.

persunas avant ina navetta Bild in Lightbox öffnen.

Legenda da maletgs: Fugitivs spetgan per pudair ir a bord da la navetta che serva sco champ da recepziun. Reuters

Confermas uffizialas independentas na datti però betg.

Tschients da fugitivs van a bord d'ina navetta

Entant èn tschients da fugitivs sin l’insla Kos ids a bord d'ina navetta che serva sco champ da recepziun. Uschia duain vegnir stabilisadas las cundiziuns caoticas che regian sin l'insla da vacanzas.

La nav-fera era vegnida prendida a fit da la regenza greca ed era gia arrivada il venderdi. Sin quella duain 2500 fugitivs vegnir transitoricamain sut tetg e vegnir registrads.

Il mument spetgan millis da fugitivs sin l'insla. Era la fin d'emna èn pliras bartgas da gumma cun tschients da persunas arrivadas sin l'insla, che sa chatta datiers dal cunfin tirc.

RR novitads 10:00