cuntegn

Meglras fotografias da natira Da la hiena en la citad morta ed ina chapitscha spectaculara

Autor: SRF/RTR

15.10.2025, 15:01

Il fotograf da natira Wim van den Heever vegn undrà per ses maletg «Ghost Town Visitor» sco «Wildlife Photographer of the Year 2025».
D'in dumber da record da 60'636 inoltraziuns or da 113 pajais èn vegnids tschernids ils victurs da las categorias sco er il victur general.
Il museum d'istorgia natirala da Londra organisescha mintga onn la concurrenza la pli renumada per la fotografia d'animals.
Ils maletgs da las victuras vegnan exponids.

Per il maletg victur ch'è vegnì inoltrà en la categoria «natira da la citad» ha Wim van den Heever duvrà blera pazienza. Suenter ch'el aveva chattà per l'emprima giada fastizs d'ina hiena brina en quest lieu, hai durà 10 onns, fin ch'el ha pudì far questa fotografia. Quella ha la finala era purtà al Sidafrican la victoria generala.

Verfallenes Haus mit Tier im Vordergrund bei Nacht. — Legenda: «Visitader d'ina citad morta» da Wim van den Heever Il fotograf sidafrican tschiffa ina hiena brina tranter las restanzas dad ina citad da minieras da diamants ch'è daditg bandunada. La sort da hienas la pli rara dal mund è activa la notg ed il pli savens solitaria. Las hienas brinas passan sper il lieu Kolmanskop vi cura ch'ellas van a chatscha da chauns da mar giuvens a la costa dal dasert Namib. Wim van den Heever / courtesy Wildlife Photographer of the Year

Categoria: plantas e bulieus

Leuchtende Kannenpflanzen in dunklem Wald. — Legenda: «Seducziun mortala» da Chien Lee da la Malaisia Chien Lee mussa cun ina chazzola dad UV il mund fluorescent dad ina planta da ch'attira insects. Insects pon vesair la glisch ultravioletta (UV), umans betg. Las plantas carnivoras reflecteschan la glisch dad UV en tscherts lieus e carmalan cun colur, fried e nectar lur butin. Chien Lee / courtesy Wildlife Photographer of the Year

Categoria: cumportament

Entschatta da la fotogallaria

Sursiglir fotogallaria

Bild 1 von 4. «Pestga sincrona» da Qingrong Yang da la China. Cun timing perfetg: In pesch-dunna (tudestg: «Frauenfisch») tschappa davent la preda davant il bec dad in irun da saida. Al lai da Yundang, datiers da sia dimora, fotografescha Qingrong Yang regularmain il cumportament da tgatscha dals iruns. Quellas auas èn dapi paucs onns puspè colliads cun la mar. Bildquelle: Qingrong Yang / courtesy Wildlife Photographer of the Year.

Legenda: «Pestga sincrona» da Qingrong Yang da la China Cun timing perfetg: In pesch-dunna (tudestg: «Frauenfisch») tschappa davent la preda davant il bec dad in irun da saida. Al lai da Yundang, datiers da sia dimora, fotografescha Qingrong Yang regularmain il cumportament da tgatscha dals iruns. Quellas auas èn dapi paucs onns puspè colliads cun la mar. Qingrong Yang / courtesy Wildlife Photographer of the Year
Bild 2 von 4. «Il giat sut flamingos» da Dennis Stogsdill dals Stadis Unids. Il fotograf a la tschertga da giats selvadis en il parc naziunal da Serengeti. Al Lai da Nduku ha el success: In caracal tgatscha in flamingo nanin. Il plan da menu dals caracals variescha dad insects fin antilopas. Els èn er enconuschents per lur sigls acrobatics, cun ils quals els tschiffan utschels or da l'aria. Bildquelle: Dennis Stogsdill / courtesy Wildlife Photographer of the Year.

Legenda: «Il giat sut flamingos» da Dennis Stogsdill dals Stadis Unids Il fotograf a la tschertga da giats selvadis en il parc naziunal da Serengeti. Al Lai da Nduku ha el success: In caracal tgatscha in flamingo nanin. Il plan da menu dals caracals variescha dad insects fin antilopas. Els èn er enconuschents per lur sigls acrobatics, cun ils quals els tschiffan utschels or da l'aria. Dennis Stogsdill / courtesy Wildlife Photographer of the Year
Bild 3 von 4. «La rasulauna chapeller narra» da Georgina Steytler. La fotografa australiana preschenta la «chapitscha» dad ina rasulauna skelettond eucaliptus (tud. Eukalyptusblatt-Skelettierer Raupe) en il parc naziunal da Torndirrup, Australia dal Vest. La chapitscha consista da capslas da chau veglias che restan suenter mintga midada da la pel. La tur che resulta duai probablamain defender attatgas d'inimis. Bildquelle: Georgina Steytler / courtesy Wildlife Photographer of the Year.

Legenda: «La rasulauna chapeller narra» da Georgina Steytler La fotografa australiana preschenta la «chapitscha» dad ina rasulauna skelettond eucaliptus (tud. Eukalyptusblatt-Skelettierer Raupe) en il parc naziunal da Torndirrup, Australia dal Vest. La chapitscha consista da capslas da chau veglias che restan suenter mintga midada da la pel. La tur che resulta duai probablamain defender attatgas d'inimis. Georgina Steytler / courtesy Wildlife Photographer of the Year
Bild 4 von 4. «Raunas che siglian enturn» da Quentin Martinez da la Frantscha. Ina gruppa da raunettas da plantas nanin durant la copulaziun. Per attrair partenaris fan las raunettas cloms curts e gits. L'inscunter da copulaziun spectacular ch'è mess en moviment pervi da ferma plievgia, dura be paucas uras ed è vegnì fotografà a la muntogna Kaw en Guayana Franzosa. Bildquelle: Quentin Martinez / courtesy Wildlife Photographer of the Year.

Legenda: «Raunas che siglian enturn» da Quentin Martinez da la Frantscha Ina gruppa da raunettas da plantas nanin durant la copulaziun. Per attrair partenaris fan las raunettas cloms curts e gits. L'inscunter da copulaziun spectacular ch'è mess en moviment pervi da ferma plievgia, dura be paucas uras ed è vegnì fotografà a la muntogna Kaw en Guayana Franzosa. Quentin Martinez / courtesy Wildlife Photographer of the Year