Siglir tar il cuntegn
cuntegn

Exteriur Memia paucs votants: Naufragi per il referendum en la Macedonia

La votaziun dal pievel per midar il num da la «Macedonia» en la «Republica da la Macedonia dal nord» va a fin nunsurvesaivel. Entant che la cumissiun d'elecziun discurra d'in naufragi, pervi da la memia pitschna partizipaziun, vesa il primminister Zoran Zaev ina victoria clera.

pliras persunas enturn in pult, entamez il primminister da la Macedonia
Legenda: Il primminister Zoran Zaev pretenda ch'i vegn realisà il giavisch dals votants. Keystone

Malgrà quai vesa il cumissari da l’EU per il schlargiament – Johannes Hahn – il resultat sco votum per la midada da num. Sin Twitter ha el appellà als schefs politics da respectar la decisiun. Era il primminister da la Macedonia, Zoran Zaev, ha ditg ch’il parlament stoppia ussa realisar il giavisch da la maioritad.

Cun la midada n’avess il pajais betg pli il medem num sco ina provinza en Grezia, mabain Republica da la Macedonia dal nord.
Pervi da la dispita dal num blochescha la Grezia dapi onns l’adesiun a la NATO e a l’Uniun europeica.

Il referendum n'è betg liand mabain sulet cussegliant. La decisiun definitiva tutga al parlament a Skopje.

RR novitads 06:00