Siglir tar il cuntegn

Header

cuntegn

Exteriur Merkel è reelegida

Cun 364 dad en tut 709 vuschs è Angela Merkel reelegida sco chanceliera.

La chanceliera tudestga, Angela Merkel è reelegida per ina quarta perioda d'uffizi en Germania. Ella ha acceptà l'elecziun. Tar la votaziun ha ella survegnì en il Bundestaga Berlin 364 vuschd. Quai èn 35 pli pauc che quai che sia coaliziun da CDU, CSU ed SPD ha mandats, cun 399 sez en il parlament. Cunter Merkel han 315 delegads votà. Dals 702 preschents han 692 dà giu lur vusch. En tut ha il parlament 709 sez.

Angela Merkel è gia dapi il 2005 en uffizi ed è vegnida confermada gia suenter l'emprim scrutini. Encunter mezdi vegn Merkel saramentada en il Bundestag a Berlin. Suenter vegnan era ils ministers da Merkel nominads e saramentads. A las 17:00 è previs l'emprima sesida dal cabinet. Cun quai va a fin 171 dis suenter las elecziuns en Germania la pli lunga fundaziun da regenza da la Republica federala.

Coaliziun da Jamaica ha fatg naufragi

Suenter las elecziuns dals 24 da settember avevan CDU, CSU, FDP e Verds sco emprim manà discurs da sondagi per ina coaliziun da Jamaica. Suenter che la FDP aveva laschà ir da la glatscha giu ils discurs ha l'Uniun puspè prendì si contact cun la SPD.

RR novitads 10:00

Artitgels legids il pli savens