Siglir tar il cuntegn
Inhalt

Exteriur Merkel e Trump vulan omadus sustegnair la NATO

En la Chas’alva a Washington ha il president american Donald Trump beneventà la chanceliera tudestga Angela Merkel.

Purtret da Merkel e Trump che dattan il maun in a l'auter.
Legenda: Merkel e svolada be per curt temp a Washington per discussiunar cun Trump. Keystone

Quai è l’emprim inscunter dad Donald Trump ed Angela Merkel. Suenter ina conversaziun a quatter egls è previsa ina conferenza da medias ed in past da lavur. Merkel vul sgular anc questa saira enavos en Germania. L’inscunter ha lieu en ina fasa difficila da las relaziuns tudestg-americanas. En il cumbat electoral aveva Donald Trump crititgà ferm Angela Merkel – surtut pervi da sia politica da fugitivs.

Trump ha uss confermà ses sustegn per la NATO. En il passà aveva el sveglià dubis sch'el veglia propi sustegnair quella. Merkel saja levgiada e veglia er lavurar enavant en direcziun da las finamiras da la NATO d'auzar la contribuziun per defensiun sin 2% dal product naziunal brut.

RR novitads 20:00