Il pajais haja provocà ina crisa da confidenza, ha ditg Merkel a l’inscunter suprem da la NATO. L'allianza militara stoppia ussa garantir ses sustegn – quai cunzunt als pajais da l’Europa da l’Ost. Ella vegnia a sustegnair ils pajais en cas d'ina attatga da la Russia.
A medem temp ha Merkel signalisà d’esser pronta per in dialog cun la Russia, perquai ch’i saja cler che senza la Russia na vegnia betg a dar ina segirezza duraivla en l'Europa.
Russia crititgescha inscunter
La Russia guarda cun sceptica sin l'inscunter suprem da la NATO a Warschau. L'allianza militara offreschia in'agenda confruntativa, vi da la quala la Russia na saja betg interessada, uschia l'ambassadur russ da la NATO, Alexander Gruschko envers la gasetta «Kommersant».
A l'inscunter suprem vul la NATO decider da staziunar ulteriuras truppas en l'Europa da l'Ost. Mintgin stoppia chapir che la Russia possia be respunder a moda militara sin quai, uschia Gruschko.
La relaziun tranter la Russia e la NATO è dapi onns catastrofala.
RR novitads 12:00
