Ella ha empermess che la regenza e las autoritads tudestgas fetschian tut il pussaivel per sustegnair las inquisiziuns. Cunquai che betg tut ils fatgs sajan enconuschents, saja fitg impurtant che mintga aspect vegnia intercurì a moda minuziusa. Merkel ha engrazià a las autoritads franzosas per lur engaschi.
Dumber da las unfrendas tudestgas crescha sin 75
Tar la crudada da l'aviun da Germanwings en las Alps franzosas èn morts 75 burgais tudestgs, quai tenor las novas infurmaziuns dal ministeri da l'exteriur. Enfin ussa era vegnì discurrì da 72 turestgs. Tut en tut èn mortas 150 persunas.
Confamigliars èn arrivads al lieu da disgrazia
Entant en 40 confamigliars da las unfrendas arrivadas en la vischinanza dal lieu da crudada. Tenor la polizia sa chattian ils confamigliars a Seyne-les-Alpes. Ordavant era quels vegnids sgulads cun sgols specials da Düsseldorf e Barcelona en Frantscha.
RR novitads 17:00