Siglir tar il cuntegn
Inhalt

Exteriur Merkel vul distgargiar ils stadis tudestgs

La regenza tudestga vul distgargiar ils stadis dal pajais tar la recepziun da fugitivs. La Germania vegnia a metter a disposiziun fin 40'000 plazs per la prima registraziun, ha ditg la chanceliera Angela Merkel suenter in inscunter extraordinari dals primministers dals stadis tudestgs.

Dietmar Woidke, Angela Merkel e Reiner Haseloff durant la conferenza da medias.
Legenda: Dietmar Woidke, Angela Merkel e Reiner Haseloff durant la conferenza da medias. Keystone

Da quests plazs duain ils fugitivs lura vegnir repartids sin ils stadis tudestgs. La clav da repartiziun vegnia calculada sin basa da las entradas da taglia e dal dumber da la populaziun. Uschia sajan ils primministers da cunvegnids, ha ditg Merkel.

La polizia da la Germania ha registrà dapli fugitivs il segund di suenter l’introducziun da controllas al cunfin tar l’Austria. Tut en tut hajan radund 3’500 fugitivs cuntanschì il pajais il mardi. Il di avant eran quai anc 1’200. Sco quai che la polizia ha fatg a savair, hajan ins arrestà 13 cuntrabandists probabels.

RR novitads 06:00