Siglir tar il cuntegn

Header

angela merkel
Legenda: La chanceliera federala Angela Merkel vul render pli restrictivas las leschas suenter ils incidents a Cologna. Keystone
cuntegn

Exteriur Merkel vul leschas pli severas

Suenter las attatgas sin dunnas a Cologna la notg da Son Silvester èn tenor la chanceliera tudestga Angela Merkel necessarias leschas pli severas.

Midadas sajan en l'interess dals burgais, ma era en l'interess da la gronda maioritad dals fugitivs, di Merkel. Igl è pussibel ch'il dretg sin ina procedura d'asil n'exista betg pli, sche chastis sajan vegnids pronunziads. Ils acts disgustus e criminals da Cologna pretendian respostas energicas, uschia la chanceliera federala tudestga Angela Merkel.

Mulestas sexualas da Silvester a Cologna

La notg da Silvester aveva ina gruppa dad umens mulestà pliras dunnas a la staziun principala. Els hajan mulestà sexualmain ed engulà rauba. Perditgas ed unfrendas han inditgà che quai saja stà per la gronda part umens d'origin nord-african ubain arabic.

Entant è il dumber da denunzias penalas suenter ils schabetgs a Cologna s'augmentà drasticamain. Els hajan survegnì fin ussa 379 denunzias, annunzia la polizia da la citad. Var 40% pertutgian delicts sexuals. Fin uss eran enconuschentas var 170 denunzias. Era a Hamburg ha la polizia registrà pliras denunzias e mulestas.

RR novitads 16:00

sda/uca

Artitgels legì il pli savens

Nach links scrollen Nach rechts scrollen