Siglir tar il cuntegn

Header

Angela Merkel tar il pled a Düsseldorf
Legenda: La chanzeliera federala tudestga Angela Merkel n'è betg cuntenta cun la cunvegna da Dublin. Keystone
cuntegn

Exteriur Merkel vul midar la cunvegna da Dublin

La chanzeliera tudestga Angela Merkel vul midar la cunvegna da Dublin per surmuntar la «crisa da fugitivs» en l'Europa. Tar ina gronda fulla da fugitivs na funcziunia la protecziun dals cunfins betg pli a lunga vista.

Cun tantas persunas sin la fugia na funcziunia la protecziun dals cunfins betg pli, ha ditg Merkel. Il dretg d'asil europeic sa basia sin la protecziun dals cunfins - che questa vegnia spustada sin ils cunfins exteriurs europeics.

Sche quai na vegnia betg fatg, stoppian ins trair las consequenzas. La chanzeliera ha plinavant pretendì che las vias da fugia vegnian legalisadas per metter a pantun ils cuntrabandists da persunas.

UE vul mobilisar la forza dals G20

Per surmuntar la crisa da fugitivs vul l'Uniun europeica mobilisar la forza dals 20 pli gronds stadis industrials (G20). Quests stadis hajan ina responsabladad speziala da garantir il basegn finanzial, hai num en ina brev dal schef da la cumissiun da l'l'Uniun europeica (UE) Jean-Claude Juncker e dal president dal cussegl da l'UE Donald Tusk als schefs da stadi e regenza. Ina schliaziun duai vegnir elavurada a l'inscunter dals G20 en Tirchia da mez november.

Il principi da la cunvegna da Dublin

Tenor il contract dal dretg dal pievel, che na-commembers da l'Uniun europeica sco era la Svizra fan part, ha il stadi ch'ils fugitivs arrivan l'emprim da far la procedura da recepziun.

RR novitads 07:00

Dapli da Exteriuravrir la Landingpage

Nach links scrollen Nach rechts scrollen