En in pled a Washington ha Draghi affirmà che l’EZB cuntinueschia da cumprar vaglias. Però ha el concedì ch'il progress en la zona da l'euro en il cumbat cunter ina conjunctura flaivla sa mussia mo plaun.
Damai che la crisa duria gia 7 onns sajan tant interpresas sco privats precauts cun prender ristgs. Perquai vegnia quai anc a durar intgin temp fin che las mesiras da l’EZB mainian al success giavischà, ha declerà Draghi.
L’EZB cumpra dapi il mars emprests publics en in volumen da 60 milliardas euros al mais per dar schlantsch a l’economia da la zona da l’euro e per auzar l’inflaziun en la zona giavischada da stgars 2 %.
RR novitads 9:00