Siglir tar il cuntegn

Header

cuntegn

Mexico 14 morts tar attatga sin praschun

Tar in'attatga sin ina praschun en il Mexico hai dà 14 morts. 10 guardias e quatter praschuniers èn vegnids mazzads cura ch'umens en vehichels armads han sajettà sin la praschun en la citad Ciudad Juarez. 13 persunas èn vegnidas blessadas, ed almain 24 persunas han pudì fugir. Sco la procura publica rapporta, hajan la polizia e l'armada puspè surpiglià la controlla sur da la praschun. I na saja betg cler tgi che saja responsabel per l'attatga.

Ciudad Juarez è part dal stadi federativ Chihuahua e directamain al cunfin cun ils Stadis Unids, gist vis-a-vis dad El Paso.

audio
Per tadlar: las novitads da las 08:00
ord RTR Audio dals 02.01.2023.
laschar ir. Durada: 4 minutas 21 Secundas.

RTR novitads 08:00

Artitgels legids il pli savens

Scrollar a sanestra Scrollar a dretga