Il Mexico survegn in president naziunalistic sanester. L'anteriur burgamester da la Citad dal Mexico, Andrés Manuel López Obrador ha survegnì tenor in'emprima calculaziun approximativa tranter 53 e 54% da las vuschs. Cunquai suonda el il president actual Enrique Peña Nieto. Il conservativ Ricardo Anaya ha obtegnì tranter 22,1 e 16,3% da las vuschs e José Antonio Meade da la partida da la regenza PRI è vegnì sin 15,7 fin 16,3%.
Il cumbat electoral è stà sumbrivà dals mazzaments da passa 100 politichers ed è cun quai stà il pli sanguinus da l'istorgia dal Mexico.
RR novitads 06:00