En il Mexico na vegn il martgà d’energia betg refurmà. La proposta dal president Manuel Lopez Obrador ha fatg naufragi en il parlament e manchentà la maioritad necessaria da dus terz. Be 275 dals 500 parlamentaris e parlamentarias han ditg Gea a la proposta.
Cun questa refurma ha el vulì annullar la liberalisaziun dal martgà da forza electrica, ch’era vegnida decidida il 2013, ed uschia rinforzar la controlla dal stadi sur il martgà. L'interpresa d'energia statala CFE dueva survegnair 54%, enstagl da 38% dal martga. Tenor l’opposiziun violass la refurma obligaziuns internaziunalas e donnegiass er investiziuns.
audio
Per tadlar: Las novitads da las 11:00
ord RTR Audio dals 18.04.2022.
laschar ir. Durada: 2 minutas 41 Secundas.