Siglir tar il cuntegn
cuntegn

Exteriur MH 370: Teorias senza fin

Tschertgar ina guglia en il fain. Uschia san ins descriver la tschertga da l’aviun MH 370. Dapi 1 onn vegn l’aviun da la Malaysia Airlines ed ils passagiers tschertgads. Quai senza success.

Maletg d'in aviun cun suttascripziuns
Legenda: Parents dals passagiers han suttascrit in placat cun l’aviun sparì. Reuters

Gnanc in toc da la Boeing è vegnì chattà. Er da las bun 240 persunas manca mintga fastitg.

Teorias davart il sgol MH 370

Tenor experts saja il pli probabel ch'il capitani Zaharie Ahmad haja fatg suicidi. I vegn supponì ch'il capitani haja tramess ses co-pilot ord il cockpit e serrà quel. Plinavant haja el sbassà en cabina, nua ch'ils passagiers eran, la pressiun uschia che tuts èn crudai en il coma.

Ma quai n’è betg la suletta teoria. Sco pussaivel vala era in act da terror u in brischament en l’aviun.