Exteriur - MH370: Chattà ulteriuras parts da l'aviun
Ils dus tocs d'eroplan ch'ins a chattà a la costa en il sidost da l'Africa tutgan cun fitg gronda probabladad tar l'eroplan sparì dal sgol MH370 da la Malaysia Airlines.
Quai ha communitgà il minister da traffic da l'Australia Darren Chester suenter ch'experts han examinà ils tocs. Avant var in onn avev'ins chattà per l'emprima giada in fastiz da l'eroplan sparì – lezza giada sin l'insla La Réunion.
La maschina da la Malaysia Airlines cun 239 persunas a bord - era svanida ils 8 da mars 2014 durant il sgol da Kuala Lumpur a Peking dal radar.
