Siglir tar il cuntegn

Header

cuntegn

Midada a Roma Mario Draghi è saramentà sco nov primminister

  • En l’Italia ha Mario Draghi surpiglià l’uffizi da schef da regenza, suenter che l’Italia ha patì durant emnas d’ina malsegirezza politica.
  • Il president da stadi Sergio Mattarella ha saramentà l’anteriur president da la Banca centrala europeica sco primminister.
  • Silsuenter è la nova squadra da regenza vegnida saramentada en il palaz Quirinal, la sedia dal president.

La regenza «da l'unitad naziunala» vegn sustegnida cun ina excepziun, da tut las grondas partidas. Ils commembers vegnan da partidas da la sanestra sco era da la dretga, e d’experts independents da partidas. Mario Draghi che ha 73 onns aveva preschentà il venderdi sia schelta.

Ina gruppa da persunas che stattan ina sper l'autra.
Legenda: Il president talian Sergio Mattarella ed il nov primminister Mario Draghi cun la nova regenza. Keystone

La nova regenza taliana sto sa preschentar entaifer ils proxims diesch dis a las duas chombras parlamentaras – e survegnir la confidenza da quellas. Tenor experts pudess quai grategiar.

Cun Draghi va a fin ina crisa da regenza, ch’aveva bloccà l’Italia amez la pandemia da corona dapi il schaner. Fin lura aveva Giuseppe Conte manà durant var in onn e mez ina coaliziun dal center e da la sanestra.

video
Il correspondent da SRF Philipp Zahn davart Mario Draghi
Or da Tagesschau dals 12.02.2021.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga