Legenda:
Aung San Suu Kyi vul daventar presidenta dal Myanmar.
Keystone
cuntegn
Exteriur - Midar la constituziun per daventar presidenta
La purtadra dal premi Nobel da la pasch, Aung San Suu Kyi, contractescha cun il militar en il Myanmar davart ina midada da la constituziun per ch'ella possia daventar presidenta dal pajais. Fin uss n’è quai betg pussaivel, perquai che ses figls èn Brits.
Las contractivas tranter Suu Kyi ed il militar han fatg a savair politichers da sia partida, la Liga naziunala per democrazia sco era politichers ch'èn datiers da l'armada.
Trais mais suenter che Suu Kyi ha gudagnà las elecziuns, datti glindesdi l'emprima assamblea naziunala che ha d'eleger in president fin la fin da mars. En omaduas chombras parlamentaras ha la partida da Suu Kyi la maioritad absoluta. Tenor constituziun po la partida uschia far valair lur candidats per il presidi.
