Siglir tar il cuntegn

Header

Donald Trump
Legenda: I na va betg per l'elecziun da Donald Trump tar las «midterms» Tuttina èn las elecziuns da gronda impurtanza per il president american. Keystone
cuntegn

Exteriur «Midterm Elections» e l'attestat per Donald Trump

Oz è di d'elecziuns en ils Stadis Unids da l'America. I vegn elegì il parlament american cun senat e chasa da represchentants. Tar questas elecziuns vai dentant era per il futur dal president Donald Trump.

Il parlament american è actualmain en mauns dals republicans. En omaduas chombras han els la maioritad. Cler ch'ils democrats vulan midar quai e survegnir il surpli. U en il senat u en la chasa da represchentants. Quai saja dentant tut auter che simpel, declera il politolog Louis Perron. La constellaziun na saja numnadamain betg sin la vart dals democrats. En la chasa da represchentants (total 435 sezs) ston ils democrats gudagnar 25 sezs per survegnir il surpli. En il senat vegnan mo in terz dals sezs (total 100 sezs) elegids da nov. E quai èn per gronda part sezs ch'èn gia en possess dals democrats.

Ils democrats ston sperar sin in'unda blaua

Far prognosas tar ils «midterms» saja fitg grev, di Louis Perron. Ils democrats stoppian dentant sperar che blers Americans hajan simplamain avunda da Trump e ch'i dattan lur vuschs al candidat democrat. Sche quai capita lura saja pussaivel ch'ina da las duas chombras vegn blaua. Per il politolog è la schanza dals democrats da survegnir in surpli dentant mo en la chasa da represchentants avant maun. In surpli dals democrats en il senat fissi in mez terratrembel politic.

audio
Mezdi: Elecziuns USA midterm – Per tge vai?
03:14 min, Actualitad dals 05.11.2018.
laschar ir. Durada: 03:14 minutas.
audio
Midterms Stadis Unids – Politolog Louis Perron davart las elecziuns
03:52 min, Actualitad dals 05.11.2018.
laschar ir. Durada: 03:52 minutas.

Il futur da Donald Trump

Restan omaduas chombras cotschnas ha Donald Trump vinavant pli simpel da metter atras ses giavischs. Vegn dentant ina da las duas chombras blaua, lura vegn il cuntravent cunter il president american pli grond. Ils democrats pudessan, per exempel, bloccar blers giavischs da Trump.

Tar las «Midterm Elections» vai pia era per la dumonda: Quant gronda è e resta la pussanza dal president dals Stadis Unids.

Ils Rumantschs en ils Stadis Unids

audio
Midterms Stadis Unids – John Emanuel Gartmann a New York City
04:33 min, Actualitad dals 06.11.2018.
laschar ir. Durada: 04:33 minutas.
Il sulet positiv vid Trump è che el ha adina in immens cletg.
Autur: John Emanuel Gartmannabitant da New York
audio
Midterms Stadis Unids – Anita Turner ad Austin (Texas)
04:23 min, Actualitad dals 06.11.2018.
laschar ir. Durada: 04:23 minutas.
Jau sper che omaduas chombras stattan en ils mauns dals republicans.
Autur: Anita Turnierabitanta dad Austin (Texas)

Elecziuns USA

Avrir la boxSerrar la box

RR actualitad 08:00

Artitgels legids il pli savens

Scrollar a sanestra Scrollar a dretga