Il minister da l'exteriur american, Mike Pompeo aveva discurrì tar ina visita cun ses collegas d'uffizi d'ina crisa da migraziun. Mexico haja empermess da tegnair si ils migrants dal Honduras avant ch'i possian vegnir en l'USA. Dapi l'entschatta da l'emna eran millis persuna sa radunadas davant il cunfin.
Trump smanatscha cun serrada
Il president american Donald Trump smanatscha da serrar il cunfin tranter il Mexico ed ils Stadis Unids. El spetga da Mexico da retegnair ils migrants dal Honduras. Gia davent l'entschatta da ses temp sco president cumbatta el immigrants illegals. Trump vul construir in mir sin il cunfin tar Mexico.
Meglra vita
Millis migrants dal Honduras èn sa mess sin via en ils Stads Unids. Els speran là sin ina meglra vita e da chattar ina lavur. Plinavant vulan els era scappar da la criminalitad da bandas en lur patria. Honduras, El Salvador e Guatemala tutgan tar ils pajais ils pli povers dal continent da l'America. Era la violenza è ordvart gronda.
RR novitads 10:00
RR novitads 10:00