Siglir tar il cuntegn

Header

cuntegn

Exteriur Migrants han pudì bandunar il bastiment «Diciotti»

En il port talian da Catania han ils migrants ch'èn stads bloccads dapi dis pudì bandunar il bastiment «Diciotti». Per la gronda part s'empatgia la baselgia catolica taliana, ha ditg il minister da l'intern Matteo Salvini. L'Albania e l'Irlanda prendian era si intgins dals migrants.

Dals 137 migrants vegn la baselgia catolica en l'Italia a s'empatgar da var 100. L'Albania è pronta da prender si 20 persunas e tranter 20 e 25 persunas duain pudair viagiar en l'Irlanda.

En tut aveva la guardia costala da l'Italia salvà ils 16 d'avust 190 migrants en la mar mediterrana. Intgins d'els eran curt suenter vegnids manads a Lampedusa per survegnir provediment medicinal. Pir l'ultim glindesdi ha il bastiment pudì entrar en il port da Catania.

Salvini en mira da la giustia taliana

Entant investighescha la giustia taliana cunter il minister da l’intern Matteo Salvini – quai rapportan medias talianas. Ad el vegn tranter auter renfatschà d'avair malduvrà sia pussanza cun scumandar als migrants da bandunar il bastiment.

Il minister da la Lega Matteo Salvini.
Legenda: Il minister Matteo Salvini durant in inscunter da sia partida la Lega. Keystone

RR novitads 23:00

Artitgels legids il pli savens