Migraziun - Bartga cun persunas en fugia fa naufragi avant la Sicilia

Suenter ina disgrazia da bartga cun migrantas e migrants en la Mar Mediterrana valan almain 40 persunas sco sparidas. La bartga ch'è stada da viadi da la Tunesia en direcziun Italia haja fatg naufragi avant l'insla Lampedusa, rapporta l'agentura da novitads taliana Ansa. Trais umens ed ina dunna hajan pudì vegnir salvads d'ina nav da vitgira da la Malta. Quels sajan lura vegnids transportads da la guardia da costa taliana a Lampedusa. Ils salvads rapportan da 41 morts, baras n'han ins fin ussa però chattà naginas.