Siglir tar il cuntegn

Header

cuntegn

Exteriur Milissa Stadi islamic sa declera responsabel

Suenter la sajettada amez la chapitala franzosa Paris, sin il boulevard Champs-Elysées, discurra la polizia da terror. L'attatgader emprova da fugir e vegn lura sajettà giu.

Dus ulteriurs policists sajan blessads, hai num da vart da la giustia. Sch'era anc ulteriuras persunas èn stadas involvidas dasper l'attatgader mort, n'è il mument betg cler. La procura publica che sa fatschenta cun terror ha surpiglià il cas.

Tenor il ministeri da l'intern ha l'attatgader sajettà ord in auto, sin l'auto da polizia dasperas. Lura haja el empruvà da fugir e sajettà sin ulteriurs policists. Quels hajan lura sajettà giu el.

La polizia franzosa ha bloccà suenter la sajettada schabegiada enturn las 9 l'entir conturn dal Champs-Elysées. Blera polizia e schuldada è al lieu. Entant è il primminister Bernard Cazeneuve sa scuntrà cun il president François Hollande davart la situaziun.

Entant ha la milissa terroristica Stadi islamic surpiglià la responsabladad per l'attatga. L'attatgader saja stà in cumbattant dal Stadi islamic rapporta l'agentura da la milissa Amak.

Las autoritads franzosas èn fitg auta prontezza d'alarm, pervi da l'elecziun dal presidi ch'a lieu la dumengia che vegn. Var 50'000 policists e schuldads èn en acziun. En la Frantscha vala era il stadi d'urgenza, suenter la seria da terror dals davos onns.

RR novitads 22:00

Artitgels legids il pli savens