Las forzas da segirezza egipzianas han mazzà 29 extremists sin la peninsla dal Sinai. Er sajan 2 schuldads morts d’in’attatga da bumbas, sco las forzas da segirezza communitgeschan.
Ils extremists en la regiun dal Sinai hajan ina stretga relaziun cun l'organisaziun terroristica «Stadi Islamic». Els sa numnan «Provinza Sinai dal Stadi Islamic».
Il Stadi Islamic è fitg derasà en la Siria ed en l'Irac. Il Sinai è la pli gronda bastiun dals islamists en l’Egipta. Dapi 2 onns datti adina puspè attatgas dad extremists en la regiun dal Sinai.
