Siglir tar il cuntegn

Exteriur Millis da fugitivs arrivan en il port d’Athen

En la Grezia han 3 bastiments manà ier saira e oz la damaun stgars 4’500 fugitivs da las inslas egeicas ad Athen.

Fugitivs ch'arrivan al port d'Athen.
Legenda: Fugitivs sirians ch’han cuntanschi la dumengia il port d’Athen. Reuters

E las autoritads greccas prevesan da transportar ulteriurs fugitivs cun agid dals bastiments nà dad inslas. Quai ha in responsabel da la guardia da la costa grecca ditg a l’agentura da novitads dpa.

La sonda era succedida ina tragedia avant la pitschna insla grecca Farmakonisi, cura ch’in bastiment da pestga surchargià cun fugitivs era cupitgà. La guardia da la costa aveva chattà suenter 34 baras, da quai 11 uffants morts. 99 persunas avevan survivì la disgrazia.

RR Novitads 12:00