Legenda:
Radund 650 persunas han gia stuì bandunar lur chasas.
Keystone
cuntegn
Exteriur - Millis da pumpiers cumbattan cunter ils grevs incendis
En il nord da la California sa derasan ils grevs incendis da guaud adina pli fitg. Entant han quels devastà ina surfatscha da passa 9’000 hectaras. Sulet 5% sajan controlla, rapportan medias americanas.
Per accelerar las acziuns d'agid ha il guvernatur Jerry Brown proclamà il stadi d'urgenza. La sitgira haja transfurmà ina gronda part da la California en ina bumba, uschia Brown. Radund 8’000 pumpiers èn vegnids tramess en las regiuns d'incendi. In gidanter è gia daventà unfrenda da las flommas.
