Siglir tar il cuntegn
cuntegn

Exteriur Millis demonstrants pretendan demissiun da Rousseff

En pliras metropolas brasilianas han cumenzà las demonstraziuns da massa annunziadas cunter la regenza.

Dilma Rousseff
Legenda: La president Dilma Rousseff è entreschada en il scandal da corrupziun enturn il concern d'ieli statal Petrobas. Keystone

A Rio de Janeiro èn s'inscuntradas pliras 10’000 persunas per pretender la relaschada da la presidenta Dilma Rousseff. En la chapitala Brasilia èn pliras rotschas da demonstrants sin via tar il parlament.

La raschun per ils protests è il scandal da corrupziun enturn il concern d'ieli statal Petrobas. Or sias cassas duain esser culads milliuns da daners da corrupziun, tranter auter er a la partida da lavur da la presidenta.

RR novitads 17:00