Siglir tar il cuntegn

Header

Navigaziun

demonstrants provan d'entrar en l'edifizi
Legenda: Demonstrants emprovan d'entrar en l'uffizi dal primminister Edi Rama en la chapitala Tirana. Keystone
cuntegn

Exteriur Millis demonstreschan cunter regenza a Tirana

Avant la sedia dal primminister a Tirana èn sa radunadas millis persunas per demonstrar. Intginas han empruvà dad ir en l’edifizi. La polizia ha lura chatschà enavos ellas cun gas lacrimogen. Pliras persunas sajan vegnidas blessadas tar ils cravals, rapportan pliras agenturas da novitads.

Opposiziun ha clamà a demonstraziuns

Appellà a la demonstraziun aveva ina coaliziun da 5 partidas da l’opposiziun.
Ellas vulan ch’il president socialistic Edi Rama sa retiria. Ad el e sia regenza rinfatschan els d'esser corrupts e ineffizients. Els hajan relaziuns cun la criminalitad organisada. Ils demonstrants pretendan da furmar ina regenza d'experts che duai preparar novas elecziuns.

Renfatschas vicendaivlas

Rama è en uffizi dapi il 2013 ed è vegnì reelegì il 2017. Tant opposiziun sco era regenza renfatschan l'in l'auter d'esser corrupt ed avair relaziuns cun la criminalitad organisada. L'Albania ha 2,9 milliuns abitants e tutga tar ils stadis ils pli paupers en l'Europa.

RR novitads 17:00