Exteriur - Milliuns da carstgauns en il Jemen dovran agid d'urgenza
Radund 7,5 milliuns carstgauns en il Jemen dovran agid d'urgenza pervi dal conflict armà. Ils cumbats en il pajais sid-arab hajan anc accentuà la crisa umanitara ha declerà il coordinatur da l'ONU Per agid umanitar.
Il biro da l'ONU ha appellà a la cuminanza mundiala da metter a disposiziun dapli daners per las acziuns da salvament en il Jemen. Il mument sajan necessari 256 milliuns euros. Tenor l'ONU èn vegnids mazzads dal mars fin l'avrigl passa 730 persunas.
