Siglir tar il cuntegn
cuntegn

Exteriur Milliuns dollars cunter la midada dal clima

La Svizra paja il 2018 ina contribuziun supplementara da 120 milliuns dollars per ils sforzs da franar la midada dal clima.

Conferenza dal clima a Katowice.
Legenda: A Katowice ha la conferenza dal clima da la ONU cumenzà. Keystone

Quai ha annunzià Alain Berset, president da la Confederaziun, a la conferenza da clima en Pologna. Berset ha accentuà ch'i saja nairas uras da reagir.
Las consequenzas da la midada dal clima sajan da sentir e vesair per tuts.
La Svizra vul reducir las emissiuns da CO2 fin il 2030 per 50%.

Cun appels per in agir cunter il stgaudament climatic ha cumenzà la dumengia la conferenza dal clima da la ONU a Katowice. Represchentants da passa 190 pajais discutan a la conferenza, tge reglas ch’i dovra per realisar las finamiras da la cunvegna da clima da Paris.

Il 2015 èn ils schefs da stadi e da regenza vegnids perina da limitar il stgaudament da clima a maximalmain 2 grads. Quai cumpareglià cun il temp avant l’industrialisaziun. La conferenza davart il clima da l’ONU cuzza fin ils 14 da december.

RR novitads 17:00++