Gia trais uras avant l’avertura uffiziala da la Festa d’october a Minca èn gia millis da persunas entradas oz a bun’ura sin l’areal da festa. Punct a las dudesch vegn il president da la citad Dieter Reiter ad avrir l’emprim butschin. Pir lura datti biera.
La pli gronda festa populara dal mund dura fin ils 3 d’october. Ils organisaturs quintan cun almain sis milliuns visitaders e visitadras da l'entir mund sin la «Wiesn». Radund 600 policists duajan garantir per la segirezza. Vitiers vegnian radund 450 sanitaris e passa 50 medis.