Exteriur - Minimar malsegirezzas tar fatschentas cun l’Iran
Per firmas e bancas dals Stadis Unids e da l'Europa duain vegnir pli cler, tge fatschentas ch’èn tuttas lubidas cun l'Iran. Quai empermettan ils Stadis Unids, la Germania, la Frantscha e la Gronda Britannia.
Suenter la fin da la dispita davart il program atomar da l'Iran eran bleras sancziuns internaziunalas vegnidas abolidas. Sinaquai avevan concerns dal vest fatg contracts d'almain 37 milliardas dollars cun l'Iran. Perquai ch'ils Stadis Unids tegnan però vinavant sidretg restricziuns da contacts economics cun l'Iran datti malsegirezzas.
