Segir saja ch'ins haja relaschà il minister. Infurmaziuns davart in'execuziun na sajan dentant anc betg confermadas, ha annunzià in pledader dal servetsch secret.
Mesemna passada avevan parlamentaris da la Corea dal sid annunzià l'execuziun dal minister da defensiun. El saja vegnì chastià tranter auter pervi ch’el aveva crititgà il dictatur Kim Jong Un. L'agentura da novitads ch'aveva rapportà quai era sa referida sin indicaziuns dal viceschef dal servetsch secret.
Il minister da defensiun tutgava fin uss tar il pli stretg conturn da Kim. El aveva pir surpiglià avant stgars in onn il post dal minister da defensiun. L’ultima giada era el vegnì vesì en la publicitad ils 27 e 28 d’avrigl.
RR novitads 12:00