Legenda:
Tenor la gasetta emnila «To Vima» haja Kammenos numnà in inscunter d'omosexuals ad Athen «deplorabel».
Reuters
cuntegn
Exteriur - Minister grec sa retira suenter 12 uras
Il viceminister d’infrastructura grec, Dimitris Kammenos, è sa retratgs da ses uffizi suenter 12 uras. En las medias socialas eran per part vegnidas publitgadas da Kammenos expressiuns rassisticas, antisemitas e cunter omosexuals.
Kammenos refusa dentant d’avair da far cun quests texts. Sco el ha declerà, na saja ses conto da Facebook betg vegnì manà dad el sez, mabain ses collavuraturs. Cun si’abdicaziun veglia el segirar la funcziun da la nova regenza. Tenor indicaziuns da medias grecas ha el uss surdà ses computer a la polizia.
Uss è la partida da coaliziun da Tsipras ils independents grecs anc cun 4 persunas en la regenza greca.
