La raschun per sia demissiun saja, ch’el saja fundamentalmain d’autra opiniun ch'il president Donald Trump, scriva Mattis en sia brev da demissiun. Ina brev da demissiun che Mattis ha publitgà, suenter che lez aveva communitgà la demissiun da Mattis via Twitter …
Speculaziuns ch'i sa tractia d'ina reacziun directa sin l'annunzia da Trump da retrair tut ils schuldads americans da la Siria, n'ha Mattis betg confermà. Tant politichers dals democrats sco er dals republicans èn schoccads da la demissiun dal minister da defensiun. Tenor els vala Mattis sco «vusch raschunaivla» en il cabinet.
James Mattis, anteriur general da quatter stailas, è schef dal Pentagon dapi che Trump è en uffizi. El vala sco persuna discreta ed integra ed ha sustegn da republicans e democrats.
RR novitads 06:00