Legenda: Vista sin la mar a Cornwall. RTRCornwall
Cornwall, quai è il ducadi da Prinz Charles e la terra da las romanzas da Rosemunde Pilcher. En emprima lingia è Cornwall dentant la terra dals Cornics e da lur linguatg il cornic. En il 18/19avel tschientaner mo pli paucs che discurran cornic. Il linguatg celtic mora praticamain ora. En il 20avel tschientaner vegnan in per idealists da far reviver il linguatg. Oz quintan ins che 300 persunas duscurrian currentamain il cornic. In pèr millis enconuschan singuls pleds ed expressiuns. Il cornic - in exempel che mussa ch'il cumbat d'ina pitschna minoritad po avair success.
Legenda: La mar a Cornwall. RTRImpressiuns dals dis da filmar a Cornwall
L'emprim di avain nus gì plievgia e vent, quai n'è stà nagin problem cunquai che nus avain gì da filmar en chasas. Il segund di avain nus filmà in pau la cuntrada, la costa impressiunanta da Cornwall. La plievgia era tschessada, il vent dentant betg. Per l'um da camera ina situaziun stantusa. Il vent era per part uschè ferm che nus avain stuì dar tut da pudair star sidretg nundir anc da tegnair eri la camera per filmar. Tuttina èsi gartegià da far bellezza maletgs da la mar burascusa.
Legenda: Craig Weatherhill. RTRMan an Tol
Man an Tol è in num cornic e vul dir crap cun rusna. Era sche mo bundant 300 persunas discurran currentamain cornic han ils locals pudì mantegnair lur nums cornics. Craig Weatherhill è architect, sia passiun èn dentant ils craps dal temp da bronz. Ils blers ha el mesirà, skizzà e publitgà en differents cudeschs. Da questas restanzas celtas chattan ins bleras a Cornwall.
Minoritads en l'Europa Il cornic - svanì e lura renaschì
La redactura Bertilla Giossi da la Televisiun Rumantscha ha visità il Cornwall.
RTR