Legenda: Las trais provinzas bascas vegnan numnadas Euskal Herria. RTREuskal Herria
Il Pajais basc (oransch) sa cumpona da trais provinzas: Bizkaia, Gipuzkoa e Araba. La chapitala è Victoria-Gasteiz. Basc vegn dentant era discurrì en la provinza da Navarra (mellen) ed en trais provinzas en Frantscha (blau): Lavurdi, Zebra e Nafarroa/Beherea. Tut las provinzas bascas vegnan numnadas Euskal Herria. Il quint 4+3=1 vul dir: las quatter provinzas bascas en Spagna plus las trais en Frantscha en ina unitad.
Legenda: Basc = euskera. RTRBasc = euskera
En il Pajais basc discurran 30% da la populaziun basc. Quai è in bun tant dapli ch'avant 30/40 onns. Gia durant la dictatura franquista han ils bascs fundà scolas bascas, las ikastolas. Oz èn quellas scolas fitg derasadas ed ils uffants discurran meglier basc che la generaziun da lur geniturs.
Legenda: Il ruver Gernikako Arbola è il simbol naziunal dals Bascs. RTRGernikako Arbola
Il vegl ruver da Gernika è tschentà en ina sort tempel. Il ruver è il simbol per la libertad dals Bascs. En il temp medieval sa radunavan ils represchentants da las regiuns sut quest ruver per decider sur da lur fatgs. In pau sco ils libers da la Cadi a Trun sut l'ischi. Entant ch'en Spagna regiva il feudalissem avevan ils bascs gia da lezzas uras ina sort democrazia.
Legenda: Il gieu naziunal dals bascs è Eskupilota. RTREskupilota
Il gieu naziunal dals Bascs è l'eskupilota, il bal a maun. Avant il gieu preparan ils profis ils mauns, questa procedura cuzza var in'ura. Il gieu sez ha lieu en in 'fronton', ina plazza verda ch'è 35 meters lunga. Mintga vitg basc ha ina baselgia e gist dasperas in 'fornton'. La televisiun basca (Euskal Telebista) emetta en direct ils gieus dals profis. En il Pajais basc è l'eskupilota pli popular ch'il ballape.
Legenda: Bertsolari èn persunas che chantan vers e rima improvisai. RTRBertsolari
Ina spezialitad dals Bascs èn ils 'bertsolaris'. Quai èn persunas che chantan vers en rima improvisads. Ils ultims onns hai dà in vair boom tar ils 'bertsolaris'. Blera giuventetgna sa participescha. En tut datti 120 scolas da 'bertsolari', ils pli giuvens scolars han 10 onns. Tar ils gronds campiunadis sa rimnan passa 10'000 aspectaturs.
Minoritads en l'Europa Ils Bascs en Spagna
La redactura Bertilla Giossi da la Televisiun Rumantscha ha visità ils Bascs en Spagna.
RTR