En il Puerto Rico han las autoritads cumandà a 70’000 persunas da bandunar lur chasas. Quai perquai ch’in mir da serra pudess rumper suenter ch'igl aveva dà ferma plievgia tras il hurican Maria. La situaziun saja «extremamain privlusa», ha communitgà il servetsch meteorologic via Twitter.
Tut la regiun lung il flum Guajataca stoppia subit vegnir evacuada. Puerto Rico è vegnì devastà ferm dal hurican Maria. La situaziun è anc pli difficila perquai ch’il hurican ha paralisà la rait da forza electrica e quella da communicaziun.
RR novitads 09:00