Siglir tar il cuntegn

Header

Navigaziun

Ina racheta pronta per il start, fotografada la notg.
Legenda: La racheta da 640 tonnas suenter che la procedura dal start è vegnida interrutta. Keystone
cuntegn

Missiun a la glina L’India interrumpa sia missiun curt avant la partenza

Mo 56 minutas avant il start ha l’India spustà sia emprima missiun sin la glina, quai pervi dad in problem tecnic. Il nov termin per il start è tenor l’agenzia astronautica da l’India en in mais.

Be paucs dis avant il 50avel anniversari da l’emprima tschentada sin la glina, vuleva l’India cumenzar sia emprima missiun. Il pajais ha sviluppà bunamain tut las cumponentas sez. Ils custs èn cun radund 124 milliuns euros bass cumpareglià cun auters programs lunars.

Trais pajais han fatg fin uss il pass sin la glina

L’India fiss il quart pajais al qual i gartegiass da sa tschentar sin la glina. Ordavant è quai gartegià als Stadis Unids, a la Russia ed a la China. Ina racheta duai transportar l’orbiter «Chandrayaan 2» en l’univers. Sin la surfatscha da la glina vul l’India tranter auter tschertgar indizis per aua.

RR novitads 06:00