20 minutas suenter la partenza a Sangatte en Frantscha è l'um da 40 onns sa tschentà datiers da Dover da la vart britannica dal chanal. La distanza munta radund 35 kilometers.
Tar la mesadad dal viadi ha il campiun mundial da jet-ski fatg in stop per tancar. Tar sia emprima emprova da surgular il chanal era èl crudà en la mar durant il tancar. Il cherosin per tancar il «Flyboard» ha il sportist en in satgados cun el. Quai ha dentant tanschì sulet per la mesadad dal sgol. Zapata ha perquai stuì sa platgar tranter en sin in bastiment per tancar.
RR novitads 12:00