Prinzi Harry e sia dunna Meghan èn per l'emprima giada geniturs. L'avantmezdi haja Meghan parturì in figl saun, ha fatg a savair Harry a Windsor.
Avant var in mais han Harry e Meghan declerà, ch'els spetgan plain desideri sin lur emprim uffant. Els veglian dentant emprim giudair questa naschientscha en sfera privata e pir suenter annunziar publicamain la naschientscha.
8avel sutbiadi da la queen
Harry e l'anteriura actura da film americana Meghan Markle han maridà ils 19 da matg 2018 a Windsor. Lur figl è gia l'otgavel sutbiadi da la regina Elizabeth II. Plinavant vegn el ad esser sin posiziun set en la successiun al tron en Gronda Britannia.
RR novitads 17:00